Sali Jan :)
Merci viel mol für dini Geduld mit mir & mine Fahrkünst! Es sind immer lehrrichi sowie spassigi Fahrstunde gsi. Au wenn ich mengisch ned so motiviert gsi bi, bini am Schluss zfride us em Fahrschuelauto usgstiege, wels eifach Spass gmacht het. Ich han dur dini Tipps und dini konstruktiv Kritik sehr viel chenne dezuelerne & schlussendlich hani mit dinere Hilf d Fahrprüefig ohni Problem chenne meistere.
Ich empfiel di uf jede Fall wiiter, damit au anderi die Erfahrig mit dir mache chend!
Serafine B.
29.12.2020
De Jan isch en Fahrlehrer, wo sini Stunde immer guet durestrukturiert und alli Schwerpünkt konsequent abhandlet. Zudem giz nach jedere Fahrstund es ehrlichs Feedback, durch das mer immer weiss, womer grad dra isch und a was mer no schaffe sött.
Ich han mich immer sehr sicher gfühlt und han nebed de Standardusbildig au diversi Sache glernt gha, wo anderi us mim Fründeskreis (wo nöd bim Jan gsi sind) erst nach de Prüefig oder gar nie glernt hend. D Vorbereitig uf d Prüefig isch minere Meinig nach super gsi und de Jan schickt eim erst ad Prüefig wenn er findet, dass mer gnueg guet isch zum sie au bestoh!
Wiiter so und viel Spass und Erfolg mit de neue Fahrschüelerinne und Fahrschüeler ;)
Florian E.
28.12.2020
Danke Jan für die professionelle, kompetente und humorvolle Fahrausbildung. Von deinem Feedback konnte ich jeweils viel profitieren. Die gute Vorbereitung sowie deine ruhige und sympathische Art schätzte ich sehr:)
Viele Dank!
Stefanie F.
23.12.2020
Danke Jan für die guete Fahrstunde mit dir! Du hesch immer chöne sege was meh chönnt verbessere bis is chlinste Detail. Dezue hesch eim immer wieder motiviert und eim d‘nervosität weggno!
Kyra S.
09.12.2020
hoi jan :)
numal danke vilmal für di coole fahrstunde! es het immer spass gmacht, isch guet organisiert gsi und es isch immer mit em ne neue thema vorwärtsgange so dass es nie langwiilig worde isch. i cha di absolut wiiterempfehle :)
Kira S.
07.12.2020
Liebe Jan
Ich möcht mi nomel bi dir bedanke für die super Fahrusbildig!! Ich bin immer gern zu dir id Fahrstund cho und jedi Stund isch guet planed xi, so dass ich immer sehr viel devo ha chöne profitierä :)
Dini ruhig und geduldig Art hani au sehr geschätzt! Ich würd dich ufjedefall witerempfehlä! :)
-*Jeanine*-
Jeanine B.
01.12.2020
De Jan isch en super Fahrlehrer! Mit viel Geduld, Ruhe und Glasseheit leitet er dich Stück für Stück nöcher ad Prüefig. Sini Fahrstunde sind immer guet plant, so dass me in jedere Stund öpis neus dezue lernt. Het würkli sehr spass gmacht zum id Fahrschuel z'goh & danke dir viel mol! :-)
Ivana M.
30.11.2020
Liebe Jan,
Viele Dank für die lehrreich Fahrstundzit mit dir. Dini geduldig, ruhig und sympathischi Art het mich erfolgrich zum Ziel gführt. Ich würd dich jederzit als Fahrlehrer wiiterempfehle!
Daniela
Daniela F.
05.11.2020
Liebe Jan
Du bisch immer professionell und guet vorbereitet gsi. I ha immer sehr viel chöne lerne und s Feedback noch dä Fahrstund isch sehr hilfrich gsi. I würd di jederzit als Fahrlehrer weiterempfehlen.
Danke nomel :)
-Svenja
Svenja H.
04.11.2020
Hoi Jan,
Viele Dank für die viele sehr lehhriche Fahrstunde mit dier. Mit dinere sympathische Art und dim grosse Fachwüsse hend d Fahrstunde immer Spass gmacht. Dank dinere offene und lockere Umgangsform hani immer Gwüsst wo dasi stoh und was das i no cha verbessere. Au wenns mol amene Tag nöd guet glaufe isch, bisch mier gegenüber immer motiviert blibe und uf mi igange, so hani mi immer sicher und guet ufghobe gfühlt.
Nomol herzliche Dank und witerhin e gueti Zit
Livio
Livio B.
23.09.2020
Ich habe die Fahrstunden gut empfunden. Der Fahrlehrer (Jan) war natürlich und fachkompetent. Hätte ich Die Wahl, (ja ich habe keinen Vergleich, aber vom Gesamtgefühl her) so würde ich ihn noch einmal aussuchen. (und ich sage das nicht ihm einen Gefallen zu machen)
Mika S.
22.09.2020
Viele Dank Jan für dFahrstunde. Fahrstunde hesh immer guet ufbaut und gstalte. Dis Feedback immer end vo de Stund ish en wichtige Input gsi, das mo sich cha verbessere. I ha mi während de stunde immer sicher und wohl gfühlt bi dir. Vielen Dank für alles :)
Nivethini M.
17.09.2020
juuuhuuuuu hüt hani mini Autoprüefig bestande!! Eh riese Dankeschön ah dich Jan. Du bisch en geduldige gsi und hesch mir sehr viel Tipps geh wo ich i Zuekunft mit uf de Weg nimm. I Situatione wo i mol en seich gmacht han bisch trotzdem ruhig bliebe hesch mir aber klar gseit wa i besser mache muess..Bin sooo so froh dass ich bestande han und chan dich nur witer empfehle.
Vanessa W.
16.09.2020
Liebe Jan, danke für e super autofahrlernzit! Du bisch jedi einzel stund guet druf gsi, immer top vorbereitet. I ha jedes mol genau gwüsst wa i de stund uf mi zuechunnt und am schluss e stimmigs feetback übercho. I ha vorallem dini ehrlichkeit, grad au i de negative pünkt, sehr gschätzt; die hesch ungschminkt, aber sehr taktvoll gseit. Als din/i schüelerIn cha me sich druf verloh, vorbereitet und miteme rucksack volle witz i d’welt vom autoverkehr z’düüse.
Danke für alles! - Anna
Anna S.
04.08.2020
Mit dinere ruhige, positive und motivierende Art han ich mich ide Fahrstunde immer wohl gfühlt. Dini Stunde sind sehr uusgliche und vielsiitig und s kontinuierliche Feedback het mir amel guet zeigt woni no mues dra schaffe. Ich wür dich mit guetem Gwüsse wiiterempfehle wel du en super Lehrer bisch, ich s Gfühl han e gueti Uusbildig gnosse zha und welli weiss, dass du jede Schüeler so guet du chasch uf d Fahrprüefig vorbereitisch.
Noemi S.
28.07.2020
De Jan isch immer professionell und top vorbereitet. Pro Fahrstund behandlet er amigs e Thema, wo me denn au dihei selber cha üebe. Dank sine Fahrstunde, de Tipps und sim Optimismus bini mit emne guete Gfühl ad Prüefig. I wür de Jan als Fahrlehrer definitiv wiiterempfehle :)
Carmen W.
02.07.2020
Hoi Jan
I cha dich als Fahrlehrer jedem witerempfehle. Du bisch stets top organisiert gsi und es isch immer e lockeri Amtosphäre gsi. I ha sehr viel bi dir glernt, vor allem indem du mir während em Fahre oder am Schluss vode Fahrstund gseit hesch wa guet gsi isch und wa weniger. Du hesch mi zielgrichtet und optimal uf d Prüefig vorbereitet, für mich hetts nöd chöne besser sie :)
Danke und machs guet!
Anna S.
25.06.2020
wie seit mo so shön «aller anfang ist schwer» doch mit dinere hilf simmer zemme as ziel cho. du hesh mich guet vorbereitet für fahrprüefig die ich ohni problem han chöne bestoh, do defür bin ich dir sehr dankbar. ich dank dir dass du uf mini schwächene au ihgange bish damit ich die spöter au beherrsh und mir au wertvolli tipps uf de weg geh hesh! ich shätz es sehr das mir nöd nur gueti feedbacks geh hesh sondern au was nöd so guet gsi ish, damit ich die meh repetiere chan.
danke für die lustigi und shöni zit! :)
Eliane S.
23.06.2020
Hoi Jan:)
I ha mi immer sehr gfreut uf d'Fahrstunde und ha jedesmol vill glernt. Du bisch immer mega professionell gsi und hesch guetii Feedbacks geh. I ha au super gfunde wiemer am Afang vode Fahrstund churz Theorie aagluegt het und da denn gad direkt uf de Stross het chöne umsetzte.
Edmea S.
18.06.2020
Liebe Jan
Ich danke dir viel mal für die lustige und belehrende Fahrstunde. Es het mega spass gmacht mit dir s Autofahre z lerne und ich han das bi dere Lockerheit alles viel liechter gfunde.
Joëlle
Joëlle K.
09.06.2020
Liebe Jan
Danke dir vielmol für die Lernfahrzit, dur die du mich mit Lockerheit und Kompetenz gfüehrt hesch.
Du hesch eim immer es guets Gfühl geh und ich han mich i jedere Fahrstund wohl gfühlt. Egal obs super gloffe isch oder vlt mol öppis ned so klappt het :). Du hesch eim super motiviert und bisch uf eim igange, so dasmer sich würklich guet ufghobe gfühlt het und en optimale Fortschritt het chöne mache.
Charlotte W.
19.05.2020
Hei jan
Ich möchte dir recht herzlich für die sehr lehrreiche und tolle fahrstunde danke. Mit dinnere sympathische und au sehr unkomplizierte art sowie mit dim fachwüsse het jedi fahrstund spass gmacht.
Di cha me nur wiiter empfehle :)
Liebi grüessli Emma
Emma W.
19.05.2020
Danke vielmol für dini Fahrstund und dini Geduld! I chönd mir kei bessere Fahrlehrer vorstelle. Din lustigi art hät mich motiviert. I cha dich jede wieter empfehle well ich immer öppis neus glernt han! :D
Sharuka T.
12.03.2020
Hallo Jan
I han wöle danke sege für die tolle fahrstunde und die vil geduld wo du gha hesch. Du hesch alli Sache super aifach erklärt, dass mer schnell würkli druscho isch.
Lg Flurina
Flurina K.
04.03.2020
Danke vilmol für die spannende, lehrriche und au immer wieder lustige Fahrstunde. Du bisch en super Fahrlehrer wo jedi Frog kompetent und eifach erkläre chan. Dini ruhig und geduldig Art hät mir bim Fahre immer s'Gfühl vo Sicherheit vermittlet. Au s'Abmache vode Termin isch immer schnell und unkompliziert abglofe.
Definitiv en Fahrlehrer zum wiiter empfehle :)
Laurin P.
20.02.2020
Hallo Jan
I ha i kurzer Zit mit Erfolg chene d Autoprüefig absolviere. Du bisch immer vorbereitet gsi und hesch dir im Vorus scho Gedanke gmacht, wa mir i der Fahrstund werdet mache, da zeigt Professionalität. Dini Erklärige hend immer super gholfe! Sogar Singe dörf me bi dir im Auto, au wemes nöd chan. :) Ich würd di jederzeit als Fahrlehrer weiterempfehlen.
Danke nomol!
Mirna
Mirna P.
19.02.2020
Lieber Jan
Vielen lieben Dank, dass du mir mit deinem Fachwissen, Geduld und Witz das Autofahren beigebracht hast! Ich fühle mich seit erster Stunde sehr sicher im Strassenverkehr.
Lg Monika
Monika S.
18.02.2020
Hola Jan!
I de Stunde, wo mir gha hend, hani stets chönne öpis lerne. Dini ruhigi und geduldigi Art hani sehr gschätzt. I ha mi bim Fahre immer sicher und wohl gfühlt. De Jan chani mit guetem Gwüsse wiiterempfehle.
Danke viel mol für die gueti und lustigi Ziit. :)
Daniel N.
23.01.2020
De jan isch en guete Fahrlehrer. I ha bi ihm schnell und sicher glernt Auto fahre. Er het alles guet ärklert und isch guet uf mini froge iigange. So han i trotz krücken d'prüefig bestande.
I wör de jan jederziit witter empfelle.
Jan R.
21.01.2020
De Jan isch immer sehr kompetent und hilfsbereit gsi. Er het d Fahrstunde immer sehr guet gstaltet und isch au uf d wünsch ihgange wen mo no öppis het wölle wiederhole. Er het alles immer sehr verständlich erklärt so das mos gad guet het chöne umsetze. Es het immer spass gmacht und isch sehr lehrrich gsi. Ich cha de Jan ufjedefall witerempfehle.
Danke für die super vorbereitig. :)
Viola T.
07.01.2020
Han mich bim Jan immer sicher gfühlt, er isch durchgehend professionell und kompetent gsi! De Jan luegt uf d leistig wo mä abliferet, so das d azahl stunde und irgendwelchi verglich nöd nötig sind.
Er verstohts eim mit spass was bi z bringe. D vorbereitig isch supper gsi, so dasi mit emene guete gfühl at prüeffig bin.
Danke Jan :)
bisch definitiv witer zempfelle!
